【轉載】生活小百科：4招慳水慳力洗碗秘笈 加鹽加麵粉KO

door

每次食完飯見到堆積如山的邋遢碗碟，沾滿菜渣，而且「滿面油光」，真係非常崩潰。不過其實只要利用幾樣簡單小法寶，就可以輕輕鬆鬆洗乾淨所有碗碗碟碟，仲可以慳番唔少時間！學識呢4招洗碗秘技，以後就唔怕畀人話食嘢唔做嘢啦！
第一招：食鹽
煮食落鹽可以調味，但原來鹽在洗碗的時候都可以大派用場。在黏着雞蛋漬的碗邊灑上少少鹽，再用百潔布洗擦，之後一過水，就立即乾淨晒。呢個方法仲可以對付其他頑固、難刷的菜渣漬，的確好「洗」好用。
第二招：廚房紙巾
清洗油淋淋的碗碟前，可以先用廚房紙巾抹走表面上的油污，這樣之後清洗就會更加輕鬆，而且亦可減少使用洗潔精。
第三招：麵粉
想環保一點，可以選用過期或煮食用剩的麵粉去除油污。由於麵粉具有吸油能力，只要加一匙麵粉落洗碗水，混和後再用清水沖一遍，就會變得閃閃亮喇！
第四招：檸檬皮
萬能的檸檬皮除了可以辟走異味，仲有去油除污的能力，用嚟洗碗就啱晒啦！在洗碗水中加入幾塊檸檬皮，洗出嚟嘅碗不但白白淨淨，而且更會散發出天然香氣，好似新的一樣。
007.jpg--清洗油冧冧的碗碟前，可以先用廚房紙巾抹走表面上的油污，這樣之後清洗就會更加輕鬆，而且亦唔洗用咁多洗潔精。